انهاردة في مدونة جميلة بقدملك رجيم الزبادي والتمر و هو من أنواع الرجيم الحديثة حالياً، وخبراء التغذية قدروا يوظفوا التمر اللي بيحتوي على نسبة سكريات عالية في فقدان الوزن بشكل معقول وملحوظ.
رجيم الزبادي والتمر مفاجأة ليكي ولكل واحدة بتحب التمر، واللي غالباً بيتمنع عنك في أي نوع من أنواع الرجيم التانية، بس في مقالي ده هقدملك كل حاجة تحبي تعرفيها عن رجيم الزبادي والتمر ، عشان تفقدي وزن بسرعة، وتستغلي التمر الاستغلال الصح في فقدان الوزن.
الرجيم ده عبارة عن نظام غذائي بيعزز تناولك للتمر والزبادي بطريقة تخليكي تفقدي وزنك بسرعة، بس قبل اتباعك للنظام ده عليكي استشارة طبيبك عشان تبقي ملمة بفوايد وأخطار النظام ده على صحتك، وأنا هساعدك وهقدملك بعض فوايد وأخطار النظام ده.
فوائد التمر والزبادي:
- لو دورتي عن فوايد الزبادي والتمر هتلاقيها كتيرة وملهاش حصر.
- بالرغم من أن الزبادي والتمر فيهم مغذيات كثير زي الفيتامينات والمعادن وغيرهم من العناصر الغذائية، إلا إنهم بيحققوا نظام غذائي متوازن.
- فالتمر بيحتوي على ألياف عالية جداً، واللي بتساعدك على الشعور بالشبع فترة أطول.
- والزبادي مصدر جيد للكالسيوم والبروتين والبروبيوتيك.
- فكري كويس قبل اتباعك لأي نظام غذائي، هل النظام ده هيوفرلك تغذية وصحة جيدة ولا لأ؟، ومن موقعي ده أقدر أجاوب إن الزبادي والتمر هيوفرلك التغذية المتكاملة والصحة الممتازة لأن ليهم فوايد وهي كما يأتي:
الزبادي:
- هو من أحد منتجات الالبان المخمرة والمشهورة في العالم كله، حيث يتم إضافة البكتيريا الحية للبن وبيتكون الزبادي.
- يحتوي الزبادي على البكتيريا المفيدة، ويعمل كمكون للبروبيوتيك، وبالتالي بيوفر مجموعة ممتازة من الفوائد الصحية واللي بتتجاوز فوائد لبن الحليب بكثير.
- الزبادي غني بالبروتين، والأحماض الأمينية المشبعة، مثل حمض الليثيوم.
- كما يحتوي على نسبة من الدهون اللي بتختلف حسب نوع اللبن المصنوع منه الزبادي، فوجد اللبن كامل الدسم وقليل الدسم وخالي من الدسم.
- ومن المعروف إن منتجات الحليب بتحتوي على أعلى النسب من الكالسيوم المفيدة للعظام والجسم.
- يحتوي الجدول التالي على العناصر الغذائية المهمة الموجودة في الزبادي حوالي 100 جم منه كامل الدسم:
العنصر الغذائي
| النسبة |
السعرات الحرارية
|
61 سعر حراري.
|
| الماء |
88%.
|
| البروتين |
3.5 جم.
|
الكربوهيدرات
| 4.7 جم. |
| الدهون المشبعة |
2.1 جم.
|
أوميغا3
|
.03 جم.
|
التمر:
- يحسن من صحة قلبك، وبينظم دقاته.
- يزيل السموم المتراكمة في الكبد، وبيعالج أمراضه.
- يقوي جهازك العصبي، ويحسن عمله.
- ينظم السكر في الدم.
- يحتوي التمر على نسبة عالية من الفلور والمعادن اللي بتمنع تسوس الأسنان.
- يمد الجسم بالطاقة أنه فيه نسبة سكريات عالية.
- في كل خمسة تمرات حوالي 3.3 جم من الألياف، وبكد تكون نسبة الألياف في التمر عالية.
- ثمرة التمر غنية بالأملاح والسكريات والمعادن والبروتينات والفيتامينات زي فيتامين A, B, C
- يحتوي التمر على كمية قليلة من المواد الدهنية، وكمية قليلة من الأملاح المعدنية، وغني بالكالسيوم، والفسفور.
- التمر يعتبر ملين طبيعي لو كنتِ من أصحاب الإمساك، حيث يعزز حركة الأمعاء الصحية، وتأمين مرور الطعام عبرها بشكل صحي.
- يعالج هشاشة العظام، لأن التمر بيعتبر سوبر فوود لعلاج مشاكل العظام، وخصوصاً مع تقدم العمر.
- علاج الأنيميا؛ حيث يحتوي التمر على نسبة من الحديد العالية والمعادن اللي بتوازن الحديد في الدم وبتظبط نسبة الهيموجلوبين.
- بيعالج معظم أمراض الحساسية، لأنه بيحتوي على نسبة من الكبريت العضوي، المفيد لحالات الحساسية.
البرنامج الأول لرجيم الزبادي والتمر :
وفي البرنامج ده لازم تقسمي يومك لخمسة وجبات، ووزعيها على مدار اليوم، والنظام ده هيقللك 5 كيلو في الأسبوع، وهتبقى كالآتي:
- وجبة الأفطار؛ 5 ثمرات من التمر مع كوباية من الزبادي مقدارها 100 جم.
- الوجبة الخفيفة؛ وهتكون ما بعد الفطار بساعتين وقبل الغداء بساعتين، وهتكون عبارة عن 3 ثمرات من التمر مع كوباية من الزبادي 100 جم.
- وجبة الغذاء؛ عبارة عن 5 ثمرات من التمر مع كوباية من الزبادي 100 جم.
- الوجبة الخفيفة الثانية؛ ما بين الغذاء والعشاء، عبارة عن 3 ثمرات من التمر مع كوباية زبادي 100 جم.
- وجبة العشاء؛ 5 ثمرات من التمر مع كوباية زبادو سائل.
ملاحظات هذا البرنامج:
- اتبعي الرجيم ده لعدد أيام فردية، أما 3 أو 5 أو 7 أيام.
- اشربي من 2 إلى 3 لتر من المية في اليوم.
- نوعي بين رجيم الزبادي والتمر ونوع أخر من أي رجيم، يعني أسبوع رجيم التمر والزبادي وأسبوع رجيم تاني بيحتوي على اللحم والخضار والفاكهة وبعدين ارجعي للزبادي والتمر مرة تانية.
البرنامج الثاني لرجيم الزبادي والتمر :
في البرنامج بيتم التنويع ما بين الزبادي والتمر والأطعمة التانية، واللي بيكون على الشكل ده:
- اليوم الأول واليوم الثاني:
هيبقي عبارة عن 7 ثمرات من التمر مع كوباية من الزبادي 100 جم، في كل الوجبات الثلاثة الرئيسية (الفطار، والغداء، والعشاء).
- اليوم الثالث:
تناولي فيه أنواع أكل مختلفة وتكون قليلة السعرات الحرارية، وممكن كمان تتناولي أنواع من العصاير، مع الوجبات الرئيسية التالية:
- الفطار:
سبع ثمرات من التمر مع كوباية زبادي خالي من الدسم.
- الغداء:
نوع من أنواع البروتين زي اللحم أو الفراخ أو السمك المشوي، ويكون من غير أي دهون.
طبق سلطة متنوع الخضار، ولازم يكون فيه خضروات ورقية، ومافيهوش طماطم لأنها بتثبت الوزن.
- العشاء:
سبع ثمرات من التمر مع كوباية من الزبادي خالي من الدسم.
- اليوم الرابع والخامس:
اتبعي فيه نظام اليوم الأول والثاني، عبارة عن 7 ثمرات تمر وكوباية زبادي طول اليوم.
- اليوم السادس:
هو نفس نظام اليوم الثالث.
- اليوم السابع:
وده اليوم المفتوح، واللي فيه مبتتبعيش أي نظام غذائي، وبتتناولي فيه اللحوم والفاكهة والخضار، بس بشرط يكون الأكل كله قبل الساعة الثامنة بالليل، وبعدها بتتوقفي عن أي أكل وتقدري تشربي الماء وبس.
أسئلة شائعة حول رجيم التمر والزبادي:
كيف يعمل رجيم الزبادي بالتمر؟
بيعمل رجيم الزبادي بالتمر على تخسيسك بشكل سريع، من خلال نظام غذائي قليل السعرات الحرارية وبيكون نظام قاسي وصارم، من خلال ما يأتي:
- السعرات الحرارية الموجودة في سبع ثمرات من التمر حوالي 250 سعر حراري.
- والسعرات الحارية في كوباية الزبادي خالي من السم حوالي 100 سعر حراري.
- إذن كل وجبة في اليوم بتحتوي على 350 سعر حراري فقط.
- ومجموع السعرات الحرارية في الثلاث وجبات حوالي 1000 سعر حراري.
- وعدد السعرات دي أقل من احتياجات جسم الأنسان من السعرات، فيختلف احتياج الأنسان للسعرات الحرارية على النحو التالي:
- الإنسان البالغ الي بيعمل نشاط مرتفع بدني وبيمارس رياضة كتير، بيحتاح حوالي 3000 سعر حراري يومياً.
- الإنسان البالغ المتوسط في النشاط بيحتاج حوالي 2200-2500 سعر حراري يومياً.
- والإنسان البالغ المنخفض في النشاط بيحتاج من 1900-2100 سعر حراري يومياً.
وبكده بنلاقي إن التمر بالزبادي بيوفر سعرات حرارية ناقصة، وبيتم تعويضها من خلال حرق الدهون المختزنة في جسمك.
ما هي أضرار رجيم التمر بالزبادي؟
- تقليلك لكمية الماء اللي بتتناوليها بهدف إنك تخسري وزن أسرع، ده ممكن يسببلك الجفاف لجسمك.
- احتواء الزبادي والتمر على نسبة من الأملاح المعدنية القليلة، بيخلي جسمك يفتقر إلى توازن أملاح الجسم.
- رجيم التمر والزبادي لا يحتوي على فيتامينE بشكل جيد، مما يؤثر بالسلب على نضارة بشرتك وجلدك.
- كما إنه قليل في البروتينات، وبالتالي بيأثر على صحة عضلات الجسم.
- الفرق الكبير في السعرات الحرارية، ما بين السعرات الحرارية في الزبادي والتمر والسعرات الحرارية اللي بيحتاجها جسمك، ده هيسببلك التوتر والأرهاق المستمر، وعدم قدرتك على العمل بكفاءة.
هل رجيم الزبادي بالتمر بيساعد في فقدان الوزن بسهولة؟
- أولاً؛ نعم بيساعد جسمك على فقدان الوزن بسهولة، ولكن على المدى القصير، وده لو اتبعتيه لمدة لا تزيد عن أسبوع واحد.
- ثانياً؛ على المدى الطويل لا يساعد على فقدان وزنك بشكل صحي وجيد.
- ثالثاً؛ أما من الناحية الصحية العامة للجسم، فرجيم التمر بالزبادي بيحرم جمك من المعادن والأملاح والفيتامينات اللي بيحتاجها الجسم بشكل مستمر.
ما هي محاذير اتباع رجيم الزبادي بالتمر؟
- رجيم الزبادي بالتمر ممنوع من اتباعه أصحاب مرض الكلي والكبد والقلب بشكل مزمن.
- بلاش يتبعه الأطفال وصغار السن، والمراهقين، لأنهم في فترة نمو أساسية، حيث يحتاج جسمهم للمعادن والفيتامينات والبروتين بشكل يومي.
- ممنوع اتباع رجيم التمر بالزبادي لأصحاب مرض السكري، لأن االتمر فيه نسبة سكريات عالية.
- لا ينصح باستخدام رجيم الزبادي بالتمر لمدة تزيد عن 7 أيام.
- على المدى الطويل لا يساعد هذا الرجيم على ثبات فقدان الوزن لفترة طويلة.
- بالنسبة للحامل والمرضعة ممنوع اتباع هذا النوع من الرجيم.
- أصحاب المناعة الضعيفة بلاش الرجيم ده تماماً.
تعليقات
إرسال تعليق